La revista Esculapio (Revista de los Mélicos Acupuntores, Homeópates y
Naturistes d’Asturies) ye una publicación científica de la Sección
Colexal de Mélicos Acupuntores, Homeópates y Naturistes del Ilustre
Colexo Oficial de Mélicos d’Asturies (Scmahn) y ta dirixía a tolos
mélicos que tean interesaos nes Técniques Méliques Non Convencionales (TMNC).
Aceptaránse trabayos orixinales nel ámbitu de cualesquiera de les TMNC
siempres que tean nivel científicu abondo y ten fechos por mélicos
colexaos mal que van tener prioridá los fechos por miembros de la
Scmahn.
El Conseyu Redaición dará conocencia a los autores de la recepción los
artículos y, dempués de la so aprobación, de la fecha d’aceptación y
d'espublizamientu. El Conseyu Redaición reservase'l drechu de refugar
orixinales que nun seyan apropiaos pal espublizamientu y de dici-yos a
los autores los troques que fagan falta p'adautar l’artículu al estilu y
rigor científicu la revista.
Los artículos habrán d’entregase colas siguientes carauterístiques:
-
Los orixinales puen tar escritos en castellán o en llingua
asturiana y presentaránse en soporte informáticu, col formatu .doc.
-
L’artículu nun pue ser de más de 7 páxines numberaes, contando
la bibliografía (si ye necesariu que seyen más, tendráse d’entrugar
enantes al Conseyu Redaición).
-
Les fueyes sedrán DIN A4, col marxe de 25mm en tolos bordes,
estremaes les llinies a dos espacios y col tipu lletra Arial 10
normal.
-
El trabayu pué acompañase de tables, ilustraciones o imáxenes
si-yos peta, pero tienen de podese reproducir en blancu y negru. Toes
dirán dientro’l testu, numberaes y llevarán abaxo d’elles un testu
curtiu.
- Nel orixinal habrá dir a l’aniciu: el títulu, el nome del autor con
un
currículum curtiu, la so dirección de corréu y de corréu electrónicu,
un resumen en castellán (que nun pase de 150 pallabres) y de 3 a 5
‘pallabres clave’.
- Bibliografía: tien que tar no cabero del trabayu y nel urden del
testu (dientro‘l trabayu les cites numberáranse con superíndices). Les
referencies fadránse col estilu APA y les normes ISO 690 (ver:
SERVICIO DE COORDINACIÓN DE BIBLIOTECAS.
Cómo citar una bibliografía [na llínea] <http://www.upm.es/laupm/biblioteca/recursos/electronicos/citabibliografia.html>
[lleíu: 29/ochobre/2009] ). El modelu ye:
- Pa llibros: Apellíu del autor, Inicial/es del nome (añu
d'espublizamientu). Títulu del llibru
(edición, versión, volume, páxines). Llugar: editorial (coleición,
númberu).
- Pa revistes: Apellíu del autor, Inicial/es del nome (mes, añu
d'espublizamientu). “Títulu del artículu”. Nome la publicación
(númberu, páxina). Llugar.
-
Abreviatures y símbolos: pondráse'l nome dafechu la primera
vegada que s’alcuentre nel testu, nun siendo que seyen midíes
estandarizaes (que dirán nel sistema métricu decimal).
Los trabayos unviaránse per corréu electrónicu a scmahn@yahoo.es o
lleváranse direutamente na Scmahn: Plaza América, 10 – 1.º,
33005 - Uviéu, pero siempres en daqué soporte informáticu.
|